រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ទៅនឹងការបង្ហោះសារលើបណ្តាញសង្គមរបស់លោកលី ស៊ានឡុង នាយករដ្ឋមន្ត្រីសឹង្ហបុរី
07-June-2019 | ដោយ ពលមនសិការ
ភ្នំពេញ៖ កាលពីថ្ងៃទី៦ ខែមិថុនា ឆ្នាំ២០១៩ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិមានការសោកស្តាយយ៉ាងខ្លាំងដែល ឯកឧត្តម នាយករដ្ឋមន្ត្រីសឹង្ហបុរី លី ស៊ានឡុង បានបង្ហោះតាមទំព័រ ហ្វេសប៊ុករបស់ឯកឧត្តម កាលពីថ្ងៃទី៣១ ខែឧសភាកន្លងទៅ នូវសាររំលែកទុក្ខចំពោះមរណភាពលោកឧត្តមសេនីយ៍ ព្រេម ទិនស៊ូឡាណន្ត អតីតនាយករដ្ឋមន្ត្រីថៃ ដោយលើកឡើងថា៖" ពេលដែលគាត់ (ឧត្តមសេនីយ៍ ព្រេម) ធ្វើជានាយករដ្ឋមន្ត្រី គាប់ជួននឹងពេលដែលសមាជិក ASEAN (កាលនោះគ្នា យើង ៥ ប្រទេស) រួមគ្នាប្រឆាំងការឈ្លានពានរបស់វៀតណាមមកលើកម្ពុជានិងប្រឆាំងរដ្ឋាភិបាលកម្ពុជាដែលបានជំនួសខ្មែរក្រហម។..."
ការលើកឡើងក្នុងសារនេះបានរំលឹកយ៉ាងច្បាស់ថា កាលពេលនោះសឹង្ហបុរី បានគាំទ្ររបបប្រល័យពូជសាសន៍ និងចង់ឲ្យរបបប្រល័យពូជសាសន៍វិលត្រឡប់មកកម្ពុជាវិញ។ សឹង្ហបុរីបានធ្វើជាម្ចាស់ផ្ទះរៀបចំកិច្ចប្រជុំដែលនាំដល់ការបង្កើតរដ្ឋាភិបាលចម្រុះត្រីភាគី កម្ពុជាប្រជាធិបតេយ្យ និងបានធ្វើជាច្រកផ្គត់ផ្គង់សម្ភារៈយោធាដល់កម្លាំងកម្ពុជាប្រជាធិបតេយ្យ អូសបន្លាយសង្គ្រាមនៅកម្ពុជា អូសបន្លាយទុក្ខវេទនា និងនាំដល់ការបាត់បង់ជីវិតរបស់ប្រជាជនកម្ពុជា១០ ឆ្នាំថែមទៀត ហើយដែលស្មើនឹងការប្រឆាំងនឹងការរស់ឡើងវិញរបស់ប្រជាជនកម្ពុជាផងដែរ។
ការលើកឡើងនេះពិតជាការប្រមាថដល់ពលិកម្មសាច់ស្រស់ឈាមស្រស់របស់កងទ័ពស្ម័គ្រចិត្តវៀតណាមដែលបានជួយរំដោះកម្ពុជាឲ្យរួចផុតពីរបបប្រល័យពូជសាសន៍នោះ ៕
ចំនួនអ្នកទស្សនា
- ថ្ងៃនេះ791
- ម្សិលមិញ12101
- សប្តាហ៍នេះ12901
- ខែនេះ128051
- ឆ្នាំនេះ128051
- សរុប20570507